ოთახის ფართობის სწორად გამოთვლა ძალიან მნიშვნელოვანია, როდესაც ვგეგმავთ რემონტს, იატაკის დაგებას, ფილების, ლამინატის ან საღებავის რაოდენობის განსაზღვრას. თუ ფართობი არასწორად გამოვთვალეთ, შეიძლება ვიყიდოთ ზედმეტი მასალა ან პირიქით — არ გვეყოს.
ფართობის გამოთვლა ყოველთვის იწყება ოთახის ფორმის განსაზღვრით. ზოგი ოთახი არის მარტივი მართკუთხედი ან კვადრატი, მაგრამ რეალურ ცხოვრებაში ხშირად გვხვდება უფრო რთული ფორმებიც — მაგალითად L-ფორმის ოთახები, დახრილი კედლები ან ნახევარწრიული სივრცეები.
ამ სტატიაში ეტაპობრივად განვიხილავთ სხვადასხვა ტიპის ოთახებს — ყველაზე მარტივიდან უფრო რთულ შემთხვევებამდე — და მოვიყვანთ დეტალურ მაგალითებს.
თემები:
- კვადრატული ოთახის ფართობის გამოთვლა.
- მართკუთხა ოთახის ფართობის გამოთვლა.
- მართკუთხა ოთახის ფართობის გამოთვლა.
- სამკუთხა სივრცის ფართობის გამოთვლა.
კვადრატული ოთახის ფართობის გამოთვლა.
ყველაზე მარტივი შემთხვევაა კვადრატული ოთახი. ასეთ ოთახში ყველა გვერდი ერთმანეთის ტოლია, ამიტომ ფართობის გამოთვლა ძალიან მარტივია.
კვადრატის ფართობის ფორმულაა:
ფართობი = გვერდი × გვერდი
ანუ საჭიროა გავზომოთ მხოლოდ ერთი კედლის სიგრძე და გავამრავლოთ საკუთარ თავზე. მაგალითად, თუ ოთახის სიგრძე და სიგანე არის 4 მეტრი, მაშინ ფართობი იქნება: 4 × 4 = 16 მ². ეს ნიშნავს, რომ ოთახის ფართობია 16 კვადრატული მეტრი. თუ ვგეგმავთ ლამინატის დაგებას, დაახლოებით ამ რაოდენობის მასალა დაგვჭირდება (ჩვეულებრივ 5–10% მარაგიც ემატება).
მართკუთხა ოთახის ფართობის გამოთვლა.
მართკუთხა ოთახი ყველაზე გავრცელებული ფორმაა ბინებში. ასეთ შემთხვევაში ოთახის სიგრძე და სიგანე განსხვავებულია.
მართკუთხედის ფართობის ფორმულაა:
ფართობი = სიგრძე × სიგანე
საკმარისია გავზომოთ ოთახის ორი კედელი — ერთი სიგრძე და ერთი სიგანე.
მაგალითად:
- სიგრძე: 5 მეტრი
- სიგანე: 3 მეტრი
ფართობის გამოთვლა: 5 × 3 = 15 მ². ეს ნიშნავს, რომ ოთახის საერთო ფართობია 15 კვადრატული მეტრი. თუ ფილებს ვგეგმავთ, სწორედ ამ ფართობის მიხედვით უნდა შევიძინოთ მასალა.
L ფორმის ოთახის ფართობის გამოთვლა.
ხშირად ოთახები იდეალური მართკუთხედის ფორმის არ არის და შეიძლება ჰქონდეს L ფორმა. ასეთ შემთხვევაში პირდაპირი ფორმულა აღარ მუშაობს, მაგრამ არსებობს მარტივი მეთოდი.
მეთოდი არის შემდეგი: ოთახი უნდა დავყოთ რამდენიმე მართკუთხედად და თითოეულის ფართობი ცალკე გამოვთვალოთ.
მაგალითად, წარმოვიდგინოთ ასეთი ზომები:
პირველი ნაწილი:
- 4 მ × 3 მ = 12 მ²
მეორე ნაწილი:
- 2 მ × 3 მ = 6 მ²
ნაწილების ცალკე დაყოფის შემდეგ, უბრალოდ ვუმატებთ ერთმანეთს ამ ორი მართკუთხედის ფართობს და მივიღებთ L ზომის ოთახის ფართობს 12 + 6 = 18 მ²
სამკუთხა სივრცის ფართობის გამოთვლა.
ზოგიერთ სახლში შეიძლება შეგვხვდეს კუთხეები, სადაც ოთახი სამკუთხედის ფორმას იღებს. ასეთი სივრცე შეიძლება იყოს მაგალითად სხვენში ან არასტანდარტულ არქიტექტურაში.
სამკუთხედის ფართობის ფორმულაა:
ფართობი = (საფუძველი × სიმაღლე) / 2
მაგალითად:
- საფუძველი: 4 მეტრი
- სიმაღლე: სიმაღლე: 3 მეტრი
ფართობის გამოსათვლელად (4 × 3) / 2 = 6 მ².
აუცილებელია გავითვალისწინოთ, რომ სამკუთხედი უნდა იყოს მართკუთხა, ანუ სიმაღლესა და საფუძველს შორის კუთხე იყოს 90 გრადუსი.
პრაქტიკული რჩევები გაზომვისთვის.
გაზომვისას მნიშვნელოვანია, რომ გამოიყენოთ ზუსტი საზომი ინსტრუმენტები, მაგალითად რულეტკა ან ლაზერული მეტრი. გაზომვები უმჯობესია ჩაიწეროთ, რათა გამოთვლის დროს შეცდომა არ მოხდეს.
ასევე რეკომენდებულია მასალის ყიდვისას 5–10% დამატებითი მარაგის გათვალისწინება. მაგალითად, თუ ოთახის ფართობია 20 მ², მასალა შეიძლება ვიყიდოთ დაახლოებით 21–22 მ².
საბოლოოდ, ფართობის გამოთვლა შეიძლება ძალიან მარტივადაც გაკეთდეს და რთულ შემთხვევებშიც — მთავარია ოთახი სწორად დავყოთ მარტივ ფიგურებად და თითოეული ნაწილი ცალკე გამოვთვალოთ.
